Руското Министерство за одбрана денеска соопшти дека од територијата под контрола на Киев се вратени 195 војници кои биле во заробеништво и во животна опасност, додека Русија во Украина префрлила 195 воени заробеници, припадници на вооружените сили на Украина.
Ослободениот руски воен персонал ќе биде префрлен во Москва на лекување и рехабилитација со воено транспортни авиони на руските воздушни сили, пренесува РИА.
На сите руски војници ослободени од украинско заробеништво ќе им биде укажана потребната медицинска и психолошка помош, додаде руското Министерство.