Од четврток времето ќе биде променливо облачно со сончеви периоди, а во источните делови ќе има услови за слаби врнежи. До крајот на неделата ќе дува умерен до засилен северен ветер и температурите ќе бидат повисоки во однос на денешните, информира УХМР.
Утре наутро ќе биде студено, преку денот променливо облачно со сончеви периоди. Ќе дува слаб до умерен, а наместа долж Повардарието повремено засилен ветер од северозападен правец.
Минималните температури ќе бидат од -12 до -1 степен, а дневните од 3 до 11 степени. Во Скопје ќе биде променливо облачно со сончеви периоди и слаб до умерен северен ветер, со температура од -5 до 8 степени.
Во среда ќе биде променливо облачно и потопло. Попладне ќе има локални врнежи дожд, а на повисоките планини снег со слаб интензитет. Ќе дува слаб до умерен, а наместа долж Повардарието повремено засилен ветер од северозападен правец.