Палестинец кој беше ранет во интензивните судири со израелската армија во Џенин на окупираниот Западен Брег им подлегна на повредите, соопштија властите во Рамала.
Според палестинските здравствени власти, во борбите со израелската војска во бегалскиот камп Џенин, кои траат од вчера, загинале вкупно седум лица, пишува Тајмс оф Израел.
Израелската војска соопшти дека извршила напад со беспилотно летало врз неодреден број Палестинци, за кои рече дека фрлале експлозивни направи и пукале врз израелските војници, објави Ројтерс.