Израелските одбранбени сили (ИДФ) објавија дека Хамас ослободил уште 12 заложници, меѓу кои 10 Израелци и двајца странски државјани, кои биле на пат кон израелска територија.
„Според информациите од Црвениот крст, 12 заложници, од кои 10 израелски заложници и двајца со странско државјанство, се на пат кон израелска територија“, се вели во соопштението на ИДФ.
Емануел Фабијан, известувач на Тајмс оф Израел, објави список на 10 израелски заложници кои, наводно, биле ослободени.