„Хамас ги зароби нашите постари граѓани, мажи, жени, деца, бебиња. Морална должност на израелските одбранбени сили е да ги вратат сите заложници дома. Нема да застанеме додека не го сториме тоа. Хамас се крие и ги убива нашите заложници во Ал – Болница Шифа и под неа се изградени терористички тунели. Вистината сега е јасна. Хамас води војна и терор од болниците“, изјави Даниел Хагари, портпарол на израелските одбранбени сили.
Жестоки борби меѓу милитантите на Хамас и израелските сили се водат во областа околу кампот Џабалија, каде што Хамас има силно упориште. На другиот крај на Појасот Газа, најмалку 14 Палестинци загинаа во два израелски воздушни напади врз домови во градот Рафах, во близина на границата со Египет.
И милитантите на Хамас копнеат по примирје, за да добијат шанса да се одморат и да се реорганизираат. Се шпекулира дека ќе се договори некаков облик на прекин на огнот во замена за ослободување на израелските заложници, а Катар, кој ја игра улогата на посредник во постигнувањето таков договор, истакнува дека остануваат само многу мали пречки за ослободување на киднапираните Израелци.