Вооруженото крило на Хамас, Ал Касам, ја презеде одговорноста за пукањето во Ерусалим. Портпаролот на израелската полиција претходно изјави за Скај њуз дека седум лица се повредени по нападот, кој се случи на контролен пункт во тунелот што води кон Западниот Брег.
„Ова се случи откако напаѓачите пристигнаа со сомнително возило и отворија оган врз нашите сили. Како резултат на терористичкиот напад, седум лица се здобија со повреди од различен степен и беа евакуирани на лекување“, додаде портпаролот.
Хамас, кој управува со Газа, нема јурисдикција на Западниот Брег.