Во Појасот Газа, седум болници и 21 здравствен центар за примарната здравствена заштита „не се во функција“, а 64 медицински персонал загинаа во израелските воздушни напади, изјави портпаролот на палестинското Министерство за здравство Ашраф ал-Кидра.
Aл Кидра изјави дека се уништени и 23 амбулантни возила, пренесе Си-Ен-Ен, наведувајќи дека не може самостојно да го потврди бројот на жртвите.
Канцеларијата на Обединетите нации за координација на хуманитарни прашања објави дека повеќе од 60 отсто од примарните здравствени установи во Газа се затворени, а болниците се на работ на колапс поради недостиг на електрична енергија, лекови, опрема и специјализиран персонал.