Израелската армија доби „зелено светло“ да влезе во Појасот Газа „кога и да е подготвена“, изјави израелскиот министер за економија Нир Баракат.
Како што наведе, сега останува на израелската армија да одлучи кога тоа ќе се случи.
Баракат изјави за „Еј-би-си њуз“ дека уништувањето на Хамас е главната цел на израелската армија, дури и ако „потреба една година“.
„Ќе направиме се за да ги ослободиме заложниците, да ги вратиме дома живи… Но уништувањето на Хамас е првата и најважна задача“, рече Баракат.
Тој исто така рече дека тунелите на Хамас под Појасот Газа ќе бидат претворени во „најголемите гробишта во светот“.