Стотици луѓе излегоа на улиците низ Западниот Брег во знак на протест поради експлозијата во болница во Газа, пишува The Times of Israel. На видео снимките од градот Рамала се гледаат демонстрантите кои извикуваат: „Народот сака претседателот да падне“. Тие се незадоволни од согледаната неактивност на претседателот на палестинската управа Махмуд Абас во светлината на израелската војна во Газа.
Hundreds take to the streets in Ramallah shouting in "The people want the fall of the President," protesting Mahmoud Abbas' perceived inaction against the war between Israel and Gaza pic.twitter.com/vRFo7rA0iq
— Gianluca Pacchiani (@GLucaPacchiani) October 17, 2023
Ал Џезира пишува дека ова е најголемиот протест во Рамала од почетокот на конфликтот меѓу Израел и Хамас. Групи мажи трчаат и фрлаат камења, а полицијата се обидува да ги спречи со солзавец. Се слушнала и силна експлозија.
Hundreds of Palestinians are clashing with PA security forces in Jenin, Nablus, Bethlehem and Ramallah.
Demonstrations in Hebron, Qalqilia, Tulkarem .
From the PA administrative capital in Ramallah pic.twitter.com/1cuelQa2tb
— Younis Tirawi | يونس (@ytirawi) October 17, 2023
„Тука има сцени на тотален хаос. Има улични битки. Палестинската полиција се обидува да ја контролира ситуацијата. Нема знаци на растурање на толпата“, известува новинарот Чарлс Стратфорд.
Има извештаи за судири меѓу демонстрантите и палестинските безбедносни сили и во други градови на Западниот Брег. Инаку, утре Абас требаше да се сретне со американскиот претседател Џо Бајден, кој пристигнува во посета на Блискиот Исток. Сепак, вечерва дојде веста дека Абас ја откажал планираната средба.