Сето ова ми значи многу, не знам од каде да почнам, морам да кажам, го живеам детскиот сон и се натпреварувам во спортот кој му даде се на моето семејство, изјави најдобрата тенисерка на светот Новак Ѓоковиќ по освојувањето на УС Опен.
„Дојдовме од тешка ситуација во 90-тите, војни… Моите родители многу ме поддржуваа. Ова е скап спорт, не е достапен за секого. Никој во моето семејство не играше тенис. Имав голема поддршка“, им рече Ѓоковиќ на родителите, сопругата и децата кои биле во неговата ложа.
Пишувањето историја е нешто посебно, на секој можен начин, додаде Ѓоковиќ.
„Имав детски сон да бидам шампион и да го освојам Вимблдон. Кога го постигнав тоа, се појавија нови цели. Не верував дека ќе бидам со вас и ќе зборувам за 24 Грен слем титули. Во последните неколку години сфатив дека имам шанса да бркам историја“, изјави тенисерот.
Ѓоковиќ исто така му оддаде голема почит на Медведев, а потоа раскажа како дошол на идеја да го облече дресот „Мамба засекогаш“ со бројот 24 и некако да му го посвети триумфот на Коби Брајант.
„Коби беше мој близок пријател, зборувавме многу за менталитетот на победник, како да се вратиш по повреда, како да бидеш на врвот. Тој беше еден од луѓето на кои најмногу сметав, секогаш беше подготвен да ве поддржи. Неговата смрт многу не потресе“, истакна Ѓоковиќ.