Војник на грчката елитна падобранска единица утринава предизвика инцидент кога фрли шок-бомба предизвикувајќи паника, а потоа го зеде како заложник својот командант.
Според неофицијални информации, се слушнале и истрели.
Инцидентот се случил кога војникот се изнервирал и се степал со командантот, незадоволен од казната што му била изречена.
Тој наводно влегол во просторијата каде што се наоѓа командата на единицата, фрлил шок бомба, а потоа го зел командантот како заложник, го претепал и му се заканил дека ќе го убие, пишува Прототема.
Во еден момент командантот успеал да побегне со помош на друг војник.
По инцидентот на местото на настанот брзо пристигнале силни полициски сили.