Брачен пар од Тексас е уапсен и обвинет откако наводно киднапирале 18-годишна девојка, ја врзале за кревет во нивниот дом и ја силувале со недели, соопштија властите.
Хозе Рејес (31) и Жаклин Месијас (29) беа уапсени откако наводната жртва успеала да побегне низ прозорецот од нивниот дом, а потоа оделе од куќа до куќа за да ги предупредат соседите, објави Фокс 29.
Таа им кажа на властите дека го запознала Рејес на едно место пред еден месец и дека тој ја убедил да дојде во неговата куќа.
Но, кога дошла во неговата куќа двајцата ја фатиле, ја врзале и ја држеле во соба околу 30 дена.
„Тие ја држеа против нејзина волја и почнаа сексуално да ја злоставуваат“, велат властите.
Кога девојката сфатила дека киднаперите не се дома, успеала да се ослободи и да побегне низ прозорецот.
Боса одела од куќа до куќа и барала помош од соседите.
Полицајците кои пристигнале на местото на настанот забележале траги на нејзините раце и нозе кои укажувале дека е врзана.
Таа била пренесена во болница на преглед, додека киднаперите биле уапсени кога се вратиле дома.
Инспекторите се обидуваат да ги откријат деталите за случајот и поврзаноста на жртвата и наводните киднапери и дали е пријавено исчезнувањето на девојчето.