Шпанскиот политичар и научник Пабло Еченикe на Твитер објави скандалозен коментар за тенисерот Новак Ѓоковиќ.
Еченике се радуваше на победата на Алкараз, но и ја искористи приликата да ги испрати своите коментари до српскиот тенисер.
„Алкараз е апсолутно импресивен и она што е најдобро од се – тој победи ултрадесничар, путинист, пријател на геноцидот, антиваксер и теоретичар на заговор. Тоа ја прави оваа победа уште поголема“, напиша Еченике на Твитер.
Твитер ја означи неговата објава како невистинита, а потоа дадоа објаснување под скандалозниот твит:
„Новак Ѓоковиќ никогаш не се позиционирал во корист на ниту една политичка партија, ниту на Путин (индиректно тоа е неговиот татко), ниту на некаков геноцид.
Ѓоковиќ се спротивстави на вакцината против Ковид-19, но не и на другите вакцини во вообичаениот распоред за вакцинација“.