Три лица загинаа кога борбен авион на индиското воено воздухопловство удри во покривот на куќа во село во северната погранична држава Раџастан во понеделникот, соопшти воздухопловството. Пилотот на авионот МиГ-21 успеал да се катапултира, се наведува во соопштението на индиските воздухопловни сили.
#Watch | Indian Air Force #MiG21 fighter #aircraft crashed near Hanumangarh in #Rajasthan. The aircraft had taken off from Suratgarh. The pilot is safe. More details awaited: IAF Sources pic.twitter.com/3mMKyxQcc6
— The Times Of India (@timesofindia) May 8, 2023
„Авионот се урна во куќа во Бахлол Нагар во областа Ханумангарх и тоа, за жал, предизвика загуба на три животи“, се вели во соопштението.
Пилотот сигурно се катапултирал и се здобил со полесни повреди, соопштија од воздухопловните сили, додавајќи дека е започната истрага за несреќата.
Индија планира да ја приземји целата своја флота борбени авиони од советската ера до 2025 година, објавија локалните медиуми минатата година. Наречен „летечки ковчег“ од индиските медиуми, МиГ-21 е клучниот борбен авион во земјата од неговото претставување во 1963 година, но во последниве години претрпе чести дефекти и несреќи.