Демонстрантите во Грузија бараат оставка од проруските власти и предвремени парламентарни избори. Досега се исполнети нивните две претходни барања – укинување на законот за „странски агенти“ и ослободување на уапсените на протестите. За потсетување, грузиската влада се откажа од новиот закон за „странски агенти“ откако илјадници Грузијци насилно протестираа два дена против законот, за кој велат дека мириса на руски авторитаризам.
🇬🇪 Protesters in #Georgia are demanding the resignation of the pro-Russian authorities and early parliamentary elections in the country.
It should be noted that the two previous requests (repealing the law on foreign agents and releasing everyone arrested at the rally) were met pic.twitter.com/XLAND1zfCR— Feher_Junior (@Feher_Junior) March 9, 2023
Грузиското министерство за внатрешни работи објави дека ослободило 132 лица приведени поради учество во големи протести против законот за „странски агенти“, а владејачката партија Грузиски сон објави во соопштение дека безусловно го повлекува предлог-законот.
„Мораме да се грижиме за мирот и економскиот развој на нашата земја, како и за напредокот на Грузија на патот на европската интеграција. Затоа, неопходно е да ја трошиме енергијата на секој наш граѓанин не на конфронтација, туку на развој на земјата. Во вистинската насока. Имајќи го предвид сето горенаведено, како влада која е одговорна пред секој член на општеството, решивме безусловно да го повлечеме предлог-законот што го поддржавме“, се вели во соопштението.