Поради неспособноста на ВМРО-ДПМНЕ, пиоради кавгите и рацете во медот, Град Скопје е во целосен хаос, истакна на денешната прес-конференција Гордан Шутаров, советник во Советот на Град Скопје.
„За само една година, ВМРО-ДПМНЕ направи пепел од Скопје. Неработење, хаос и кавги за тендери, тоа е нивниот учинок. Денес, Скопје е нефункционален град, со нефункционални јавни претпријатија и нефункционална градска администрација“, нагласи Шутаров.
Граѓаните, додава тој, се оставени без јавен превоз, ЈСП тонe во долгови, а катастрофална е ситуацијата и во други јавни градски претпријатија.
„Додека Данела Арсовска и ВМРО-ДПМНЕ се караат, меѓусебно се клеветат и закануваат, граѓаните трпат штета. СДСМ преку својата советничка група прави и ќе прави сè за да се заштитат интересите на Градот и на граѓаните“, вели тој.
Скопјани, оценува советникот во Советот на Град Скопје од редовите на СДСМ, не заслужуваат ваква деструктивна, неодговорна градска власт.