Поротата го осуди семејниот бизнис на Доналд Трамп за даночна измама. Станува збор за компанијата Trump Organization, а пресудата е по сите точки од обвинението по дводневна расправа на поротата во судот во Њујорк. Компанијата е синоним за поранешниот американски претседател, меѓутоа, ниту на Трамп, ниту на некој од членовите на неговото семејство не им е судено.
Компанијата се очекува да се соочи со парична казна од околу 1,6 милиони долари, а во иднина може да се соочи и со потешкотии да обезбеди заеми и финансирање. Трамп рече дека судењето е политички мотивирано. Две филијали на Организацијата Трамп – корпорацијата Трамп и корпорацијата за плати на Трамп – беа осудени по сите 17 обвиненија за даночна измама и фалсификување деловни книги.
Трамп и неговите три најстари деца се соочуваат со посебна граѓанска тужба поднесена од јавниот обвинител на Њујорк, која би можела да им забрани да работат во таа држава.