Непознати сторители извршилекражба во црквата „Света Петка“ во тетовското планинско село Луковица.
Според полицијата, од метално сандаче за доброволни прилози наверниците што се наоѓало пред црквата, која е во завршна фаза на изградба, крадците украле околу 18 илјади денари,по што незабележани од никого избегале.
Ова е една од десетината кражби во верски објекти што се случила во Тетовско во текот на оваа година, при што главна цел на крадците биле доброволни парични прилози, информираше портпаролот на СВР Тетово, Марјан Јосифовски.
Над десетина кражби во цркви и манастири се забележани и на гостиварското подрачје, каде што биле украдени над 60 икони со различна големина.
Г.М.