Каква мисија има Субрата Рој во Република Македонија?
За таа цел ПЕП 21 бара да се повикаат сите релеванти фактори, универзитетски професори и доктори на науки, кои ќе дадат свое мислење, односно ќе одговорат на прашањето за сериозноста и оправданоста на проектот, за кој стравуваме дека е фатаморгана.
Поради сериозноста на проектот, ПЕП 21 прашува, дали и во колкав износ е доставена банкарска гаранција, која обично во вакви случаеви, Сахара Груп би требало да ја депонира во некоја од домашните банки како потврда за сериозна, целосна и навремена реализација на овој проект?
Дали и на домашните субјекти им се дава рамноправна шанса во подеднакви услови да се впуштат во остварувањето на многу пореални земјоделски планови и проекти?
ПЕП 21 прашувa дали овој проект ќе предизвика национално обезглавување на граѓаните пред се од тој регион, а приказната за Горна Џумајлија е опасна политичка стапица не само за жителите што живеат во тој регион, туку и за Република Македонија?
Политички гледано, а и економски измерено, ПЕП 21 планот на Сахара Груп го оценува како нереален и неостварлив, а ваквите планови мислиме дека можат да се остварат само во “Алиса во земјата на чудата”.