Според последното истражување за новите трендови во сексот, истражувачите велат дека изневерувањето на партнерот станало потполно „аут“, но поради тоа сексот за една ноќ, секако, доколку сте слободни, апсолутно е „ин“.
Тоа најмногу важи за младата популација која сè повеќе е отворена по прашањата за сексот за една ноќ, истополните бракови, а луѓето помеѓу 18 и 30 години кои учествувале во студијата покажале дека и тоа како се за моногамијата и верноста на партнерот кој ја ценат и се придржуваат до неа, пишува Daily Mail.
Новото истражување кое го спроведе Лаура Вот, социолог од Универзитетот во Манчестер, од почетокот на 1990-та година до денес ги проучувала сексуалните навики на Британците. Според истражувањето, само еден од десет Британци го подржува изневерувањето, а дури осум од десет сметаат дека сосема е погрешно да се имаат повеќе партнери, особено доколку партнерите живеат заедно.
Девет од десет испитаници сметаат дека мамењето на партнерот се смета за целосно неоправдано, под било кои околности. Испитаниците покажаа поголема отвореност кон сексуалните однесувања на слободните луѓе, а дури 70 отсто ги поддржуваат истополните бракови.