Илјадници луѓе денеска учествуваа на годишната забава на гаѓање со домати „Томатина“, која се одржува во шпанскиот град Буњол, а оваа година организаторите првпат наплатуваа влез.
Градските власти соопштија дека околу 20.000 луѓе учествувале во едночасовното гаѓање со домати, инспирирано од тепачката во 1945 година, кога децата се гаѓале со храна.
Учесниците оваа година давале и по 10 евра за влез на забавата, со што всушност се плаќале трошоците на фестивалот.
Од градската управа е соопштено дека шест камиони донеле 130 тони домати, а биле поставени и подвижни тушеви за да можат учесниците по „борбата“ да се измијат.
Буњол, кој има околу 10.000 жители, има долг од околу пет милиони евра.