Израел продолжи со реализација на проектот, кој опфаќа изградба на 1.500 домови во источен Ерусалим, со што би можел да ги загрози обновените преговори со Палестина.
Градските власти одобрија планови за почеток на градбата во рамките на проектот, а чекорот е оценет како „стандардна и бирократска процедура“.
Изградбата на израелските населби во источен Ерусалим и на Западното крајбрежје е едно од спорните прашања во односите помеѓу Израел и Палестина.
Палестинската портпаролка Ханан Ашрави предупреди дека Израел игра опасна игра, со тоа што продолжува да ги спроведува плановите за изградба на новите населби.
Канцеларијата на израелскиот премиер Бењамин Нетањаху, не ги коментира наводите.
Елена Георгиевска