Џастин Тимберлејк апсолутен победник на МТВ наградите
Џастин Тимберлејк доминираше на годинешвите МТВ награди во Њујорк, освојувајќи го главниот трофеј за најдобро видео за песната „Mirrors“ како и други признанија.
Тимберлејк ја доби и наградата „видео вангард Мајкл Џексон“ за севкупната кариера и ги засени другите ѕвезди кои минатата ноќ настапија во центарот „Барклејс“, во Бруклин, и ги изненади со обновувањето на својот бвиш бенд „N Sync“.
Дуото Меклемор и Рајан Луис е вториот голем добитник – награден е за најдобро хип-хоп видео за „Cant Hold Us“ и за најдобро видео со социјална порака за нумерата „Same love“.
Бруно Марс ја освои наградата за најдобро видео за машки изведувач, а за најдобра изведувачка е наградена Тејлор Свифт.
Меѓу ѕвездите кои настапија минатата вечер беа Канје Вест, Мајли Сајрус, Џенифер Хадсон, Бруно Марс и Лејди Гага.