Големиот шумски пожар во шпанскиот регион Валенсија, кој гори веќе шест дена, денеска е ставен под контрола, соопшти локалната служба за итни случаи.
„Ситуацијата со пожарот се одвива поволно. Речиси и да нема пожар на поголемиот дел од зафатениот терен. Потребно беше да се приближиме до клисурите, каде пожарот беше на непристапен терен“, соопшти службата за итни случаи на Валенсија.
Шпанскиот Национален директорат за безбедност соопшти дека пожарот зафатил повеќе од 135 километри и дека од загрозената област како мерка на претпазливост претходно биле евакуирани 2.200 жители.
Годинава, шумските пожари во Шпанија изгореа четири пати повеќе шуми отколку во целата измината деценија.
Извор: МИА