Поранешниот американски претседател Доналд Трамп се повикал на Петтиот амандман на Уставот на САД повеќе од 440 пати, пренесоа американските медиуми. Трамп во средата се повикал на неговото уставно право да не одговара на прашањата на обвинителите како дел од истрагата за тоа дали неговата компанија, Организацијата Трамп, ги прекршила законите за банкарство, осигурување и даноци и дали учествувала во финансиска измама.
Адвокатот на Трамп, Рон Фишети, изјави за NBC дека Трамп одговорил само на едно прашање, а тоа е неговото име.
Фишети за „Њујорк тајмс“ прецизираше дека сведочењето траело околу четири часа со паузи, а Трамп го повторил „истиот одговор“ на сите други прашања, односно се повикувал на Петтиот амандман.
Суштината на Петтиот амандман е дека поединецот не може да биде принуден да сведочи против себе на суд.