Големо невреме со силен ветер го зафати попладнево Делчево. Поплавени се поголем број градски улици. во градот краток период немаше и струја.
Паднати билборди и реклами, урнати бандери и оџаци, ќерамиди се забележани на повеќе места.
-Од невремето однесена е лимена кровна конструкција на зграда со средна големина, паднти се повеќе дрвја и бандери, срушени се оџаци, светлечки реклами и соларни панели. Поплавени се домови, објекти и неколку паркиралишта. Има паднато телекомуникациски кабли. За настаната состојба известени се сите надлежни институции кои интервенираат на терен и превземаат мерки во нивна надлежност (испумпување на вода во поплавени објекти, санирање на паднатите дрвја на патот, санирање на искинати жици итн). До сега не се пријавени жртви или повредени жители информираа од Центарот за управување со кризи.
Во дел од градот поплавени се и подрумите на куќите.