Додека 59-годишниот Б.Ј., лице со телесен инвалидитет, спиел во својот дом во кумановското село Стрезовце, три непознати лица насилно влегле во куќата и му ја украле целата заштеда, која му била единствените пари што ги имал за живот.
Разбојништвото се случило ноќта помеѓу 1 и 2 август. Крадците веднаш откако влегле во куќата, му ги врзале рацете на мажот со парчиња завеса, за да можат непречено да ги земат грижливо чуваните пари. Одземен е несесер во кој имало 7.850 денари, 9.555 евра , мобилен телефон и друго. Вкупната штета е околу 601.000 денари.
Веднаш потоа разбојниците го напуштиле лице местото, а полицијата се уште трага по нив.