Лично претседателот на Русија Владимир Путин се заложил италијанскиот фудбалски стручњак Фабио Капело да остане на чело на руската фудбалска репрезентација и во следниот период, објавија медиумите во оваа земја.
Со овој потег Путин сакал да биде задржан континуитетот на работа во репрезентацијата под водство на Капело се до 2018 година за кога е закажано Светското првенство кое ќе се одржи токму во Русија.
Според овие информации заложбата од Путин би требало да биде доволно да се замолчи Николај Александрович Толсчих, актуелниот претседател на Рускиот фудбалски сојуз, кој е силен противник на Италијанецот.
Се очекува одговорот од Капело, иако веќе е извесно дека тој ќе ја предводи руската „зборнаја“ уште најмалку пет години.
Капело тренерската кариера ја започна во Милан, а од клубовите работел и во Реал Мадрид, Рома и Јувентус.
Селекторската функција на Русија ја превзема во 2012 година, а пред тоа беше предводник на англиската репрезентација.