Три лица биле застрелани пред ноќен клуб во Лос Анџелес каде настапувал пејачот Џастин Бибер, а на чиј концерт присуствувале многу познати имиња од Холивуд.
Пукањето се случило во петокот вечерта по настапот на канадскиот пејач, а според полицискиот извештај три лица биле застрелани. На видеото од инцидентот се гледа дека прво почнува тепчка, по што се се слушаат повеќе истрели.
Според полицијата испукани се вкупно 10 куршуми. Сите повредени се згрижени во болница и нивната состојба е стабилна, а напаѓачот се уште е во бегство.
На настапот на Бибер, кој го најавува Супербол викендот, присуствувале неговата сопруга Хејли Бибер, Леонардо ди Каприо, Дрејк, Амбер Роуз, Лил Бејби, сестрите Клои и Кендал Кардашијан, како и Џеф Безос со партнерката.