Процесот меѓу Новак Ѓоковиќ и австралиската влада е завршен. Одулката на тројцата судии да ја одбијат жалбата на адвокатскиот тим на тенисерот е конечна. Ѓоковиќ во најкусо можно време ќе ја напушти Австралија.
Адвокатскиот тим ја пренесе изјавата на Ѓоковиќ по конечната разврска на случајот.
„Би сакал да дадам изјава која се оденсува на денешното рочиште. Ќе земам еден период за да се одморам пред да коментирам повеќе на оваа тема. Исклучително сум разочаран од одлуката на судот да ја одбие мојата жалба со што сум спречен да останам во Австралија и да настапам на Австралија Опен. Ќе ја почитувам одлуката на судот и ќе соработувам со надлежните околу моето напуштање на земјата. Жал ми е што фокусот во последните десетина дена беше на мене, се надевам дека сега фокусот ќе биде на турнирот“ – порача Ѓоковиќ.
Тој им посака среќа на сите учесници на Австралија Опен и се заблагодари на семејството, пријателите и фановите кои му даваа поддршка во текот на целиот процес.