Тинејџерите Арин Ендрјус (19) и Кејти Хил (17) од Велика Британија поминале низ неверојатна трансформација. Арин пред две години бил девојка по име Емералд, а Кејти била момче кое се викало Лук.
Двајцата, со поддршка на родителите, направиле операција за промена на полот и сега, како што тврдат, за прв пат откако знаат за себе се чувствуваат целосно.
-Ги мразев своите женски атрибути. Ги отстранив градите и се чувствувам одлично. Конечно можам да одам на капење со врсниците и да бидам само едно од момчињата. Се чувствувам како конечно да се наоѓам во сопственото тело – раскажал Арин за својата трансформација.
Арин ја запознал Кејти пред две години на група за поддршка за млади луѓе кои поминале низ сличното искуство.
Кејти често била злоставувана од страна на врсниците, а Арин морал поради тоа да го промени училиштето.