Ние сме за проширување како претседателство, проширување на ЕУ и Литванија како држава е за проширување, рече амбасадорот на Литванија, Ренатас Јушка, на седница на Комисијата за европски прашања во Собранието.
Во претставувањето на приоритетите на литванското претседателство, Македонија воопшто не беше спомената. Сепак Јушка тврди дека неговата земја како политички чекор поддржува проширување на Унијата.
И во агендата на Вилнус приоритети се преговорите со Црна Гора, најавеното отпочнување на преговори со Србија и Договорот за стабилизација и асоцијација со Косово.
Литванија е млада земја членка, ние минавме низ тешки реформи, работејќи заедно, позиција со опозиција, сето тоа е потребно, напредокот е потребен, не за Брисел, не за соседните земји потребен е за вас, додаде Јушка.
ВИДЕО: 24 Вести