Добитници на државната награда „11 Октомври“ во 2021 година за највисоко признание за животно дело во областа на науката, уметноста, стопанството и другите дејности од јавен интерес на Република Северна Македонија се професор д-р Атанас Вангелов, академскиот сликар Павле Кузманоски, актерката Бедиа Беговска и политикологот Махи Несими, соопшти Министерството за култура.
Одборот за доделување на државната награда „11 Октомври“ донесе одлука државна награда „11 Октомври“ за животно дело во областа на науката и образованието да му се додели на филологот професор д-р Атанас Вангелов. За животно дело во областа на културата и уметноста, наградата им се доделува на акадесмкиот сликар Павле Кузманоски, актерката Бедиа Бегова и политикологот Махи Несими.
Наградата ќе им биде врачена на добитниците на 11 октомври 2021 година во 12 часот во Собранието на Република Северна Македонија.