Европската унија побара од германскиот производител на автомобили „Фолксваген“ на сите купувачи на дизел возила на компанијата, не само во Германија, туку и во сите земји на ЕУ, да им плати отштета поради скандалот со емисиите на гас, пренесува Анадолија.
Во соопштението на Европската комисија се наведува дека откако во 2015 година беше откриено дека компанијата прикажува ниски емисии на штетни гасови „Фолксваген“ одлучи да повлече 8,5 милиони возила произведени во ЕУ за да ги направи потребните корекции и дека уделот на коригираните возила достигна 80 проценти.
Меѓутоа, германскиот производител не даде целосна гаранција за проблемите што можат да настанат по поправките направени по откривањето на „дизел скандалот“.
Во соопштението на Мрежата за потрошувачка соработка се наведува дека Дидие Рејндерс, член на Комисијата за правда и права на потрошувачите на ЕУ, минатата година побарал од „Фолксваген“ да понуди фер надомест за сите граѓани на ЕУ кои се нивни клиенти.
Притоа беше посочено дека деловната пракса на „Фолксваген“ во трговијата на дизел возила со илегален систем за управување со гас ги прекршува законите на ЕУ за заштита на потрошувачите, па затоа ЕУ бара отштета за клиенти низ целата Унија.
„Фолксваген“ веќе се согласи да плати отштета само за клиентите кои во моментот на купувањето на нивното возило живееле во Германија.