Социјалдемократскиот сојуз на Македонија објавува отворен повик за волонтирање чија цел е ангажирање на креативни, професионални, подготвени за тимска работа, високо мотивирани и трудољубиви лица, кои би биле вклучени во активностите на повеќе нивоа и сектори на централната партиската организација.
СДСМ ги повикува сите заинтересирани приврзаници и поддржувачи на социјалдемократијата како идеологија, членови и симпатизери активно да се вклучат во работата на СДСМ и креирањето на победничката политика на нашата партија. Добредојден е секој кој има желба и иницијатива за создавање на реални политики на партијата, а со тоа и визија за напредна државна политика.
Амбициозни луѓе од сите сфери на општественото живеење, овој повик е шанса за секој од Вас директно да учествува во реализација на своите соништа, носејќи подобро утре на сите нас.
Изборот ќе биде низ транспарентна и компетитивна постапка, отворен за сите без разлика на пол, вера или етничка припадност.
Раката за соработка е подадена кон секој од Вас! Приклучете се!
Работниот ангажман ќе биде на волонтерска основа со паричен надоместок, согласно законот за волонтерство.
Ги повикуваме сите заинтересирани, со своја кратка биографија (CV и контакт телефон) да се пријават, испраќајќи ја на следниот e mail: [email protected]
Рокот за пријавување е најдоцна до 20.07.2013 год.
Сите Ваши прашања можете да ги поставите на e mail адресата за пријава: [email protected]