Времето околу пладне и попладне на места ќе биде нестабилно со пороен дожд, грмежи и засилен ветер. Локално процесите ќе бидат поинтензивни во форма на невреме со пороен дожд, грмежи, засилен ветер и услови за појава на град. Максималната температура ќе се движи од 24 до 34 степени, а УВ индексот е 7, информира УХМР.
Во Скопје е променливо облачно, а попладне се очекува да биде нестабилно со повремен пороен дожд, грмежи и засилен ветер. Tемпературата ќе достигне 31 степен, релативната влажност 77 проценти, а ветерот пет метри во секунда.
Според УХМР, во следните два дена во попладневните часови ќе има појава на нестабилност со
краткотраен пороен дожд, грмежи и засилен ветер, локално и во форма на невреме. Од вторник следува стабилизирање на времето со дневни температури кои насекаде ќе бидат над 30 степени.