Илјадници лица денес протестираа во Мадрид, поради политичкото штедење и рекордно високата невработеност, повикувајќи го премиерот Маријан Рахоја да се насочи кон отворање нови работни места, за да помогне државата да излезе од рецесија.
Демонстрантите поминаа низ централните улици на главниот град во Шпанија, носејќи црвени и бели синдикални знамиња и транпаренти на кои пишуваше „Мерките за штедење уништуваат и убиваат“ и „Намалување на потрошувачката е кражба“.
-Се надеваме дека владата ќе сфати дека не може да се смени ситуацијата со намалување. Време е да се промени линијата и да се направи повеќе за поттикнување на раст-изјави Дијана Родригез, која е без работа последните две години.
Демонстранциите се одржуваат и во уште 28 други шпански градови, вклучувајќи ја и Барселона.
Владата на Шпанија вети дека ќе заштеди 150 милијарди евра помеѓу 2012 и 2014 година.
Елена Георгиевска