Во Русија е прогласен Ден на жалост поради жртвите во поплавите предизвикани од поројните дождови што го погодија јужниот регион Краснодарск во Русија во кои загинаа 171 лице.
Од тие, 159 се од градот Кримск и околината, а 12 се летувалиштето Геленџик и соседното пристаниште Новоросијск.
Од стихијата погодени се 4.000 куќи и 12.000 лица, во регионот со население од 60.000 лица.
Рускиот претседател Владимир Путин, кој вчера го посети регионот, вети финансиска помош за семејствата на жртвите и разурнатите куќи. За секое семејство каде има загинат ќе се исплаќа по два милиони рубљи (околу 50.000 евра).