Во Истанбул и во главниот турски град Анкара денеска одново има масовни протести и судири со полицијата,во кои силите на редот употребуваат солзавец, додека демонстрантите фрлаат камења.
Улиците на Истанбул станаа крвави поради тоа што жителите не сакаат единствениот парк во централниот дел на градот да се претвори во трговски центар како што има зацртано власта.
Гези е мал парк во центарот на Истанбул, каде властите одлучија да ги исечат сите дрвја и наместо нив да се изгради голем трговски центар. Во почетокот се побунија околу 50 демонстранти, но откако беа крваво растерани, се случи народот да излезе на улиците. На страна не остаа ниту славните турски спортисти.
Полицијата на почетокот користеше само бибер спреј, но не успеаа да ги растераат демонстрантите, посебно не откако видоа како се корнат старите дрвја.
Во Турција ова се нарече тивка „дрво револуција“.