Москва не гледа друг пат за решавање на конфликтот во Сирија, освен прекусвикување меѓународна конференција, изјави денеска рускиот министер за надворешни работи Сергеј Лавров.
Конфликтот во Сирија веќе долго време се почесто добива верски карактер. Тоа може да ги продлабочи противречностите во исламскиот свет и сериозно да ја загрози безбедноста на немуслиманите во Сирија, како што се христијаните, Курдите и голем број други, нагласи рускиот министер.
– Затоа не гледаме никаков друг пат, освен да се свика конференција. За постигнување на целта сепак треба сите чесно да работат и да не се дозволуваат двојни стандарди, истакна Лавров.
Според Лавров, напорите на САД да протуркаат резолуција за Сирија во Советот за човекови права на ОН не помагаат во организирање на меѓународна конференција.