Американскиот претседател Барак Обама го посети денеска гратчето Мор во Оклахома, кое во почетокот на неделата го погоди силно торнадо во кое 24 лица го загубија животот.
Обама на граѓаните им порача дека државата стои зад нив и дека ќе им помогне она што е разурнато повторно да биде изградено.
Тој со гувернерката на Оклахома Мери Фелин помина покрај разурнатите остатоци од уништеното основно училиште Плаза Тауерс, каде седум деца настрадаа во торнадото.
Обама разговараше и со семејствата на настраданите и спасувачите кои пружија прва помош по ударот на торнадото.
Во моментот околу 450 лица од Федералната агенција за вонредни состојби се наоѓаат на терен, додека за граѓаните се обезбедени 43.000 оброци.
Торнадото, што го погоди централниот дел на Оклахома, е едно од најсилните регистрирани во САД во последните неколкугодини.
Според податоците на надлежните уништени се 1.200 куќи, додека околу 33.000 луѓе директно се погодени од налетот на торнадото.