Блажо Грковиќ од село Врба кај Гачко е 48-годишниот Херцеговец кој задавил мечка со голи раце.
Грковиќ, кој сега се наоѓа во болница, во разговор за агенцијата „Срна“ потврдил дека се чувствува подобро и дека дури сега е свесен што се случило.
-За среќа ја понесов секирата со мене. Кога ме нападна успеав еднаш да ја удрам. Таа ме гризеше, а јас ја удирав со тупаници, неколку пати раката ми беше во устата на мечката. Ни сам не знам како ја совладав, ја држев за грклан, додека не падна – вели тој.
Откако се спасил, Блажо го повикал соседот Божидар Елез, кој повикал итна помош.