Љубовта на младиот Словак, Даниел кон Чехинката Зузана која кулминираше со спектакуларно запросување, стана хит на Интернет и за неколку дена видеото го виделе над 200.000 луѓе, јави дописникот на МИА од Прага.
Се разбира дека девојката се согласила да се омажи за студентот кој во чешкиот град Брно студира естетика и кој сакајќи на уникатен начин да ја запроси својата избраничка побарал помош од компанија која се занимава со избирање на уникатни подароци.
Нејзиниот сопственик, решил да му помогне на момчето бесплатно и целиот настан да го овековечи на видео и да го употреби за своја реклана. Во видеото учествуваат многу пријатели на идната брачна двојка кои и се придружуваат на девојката, кога таа незнаејќи што ја чека оди кон еден огромен подарок од кој кога ќе го отвори се појавува нејзиното момче со прстен.
– Тој ден, Даниел ми испрати СМС порака во која ми напиша дека е дојден во градот порано. Иако, последните денови ми се чинеше понервозен, не ми падна напамет дека ќе направи нешто така големо, изјави Зузана, које вели дека воопшто не размислувала и знаела дека ќе каже „да“ на брачната понуда.
И среќниот иден младоженец бил многу возбуден при целата подготовка.
– Никогаш нема да заборавам на тој ден, ниту на тоа како ја слушав Зузана како се приближува и кога ги одбројував мислите мислев дека ќе излезам од кожа, објаснува младиот Даниел.