Концертот на хрватската пејачка Јелена Розга во белгрдскиот клуб „Касино“ беше накусо прекинат синоќа, поради инцидент во публиката.
Имено, како што објавија хрватските медиуми, додека публиката се радувала и танцувала на музиката на Розга, меѓу дел од присутните започнало туркање, кое потоа прераснало во тепачка.
Поради тепачката, Розга го прекинала настапот и во придружба на своите телохранители ја напуштила сцената. Сепак, по смирување на страстите, пејачката се вратила на бината и го продолжила концертот.