По неодамнешните инциденти и „блиските средби“ меѓу американската и иранската морнарица во водите на Персискиот Залив, Пентагон предупреди синоќа дека морнарицата на САД ќе преземе „законски дозволени одбранбени мерки“ против бродовите во Персискиот Залив, што ќе се приближат се на помалку од 100 метри од воените бродови на САД.
Вообичаена практика е да се преземат такви мерки за да се отстапи од курсот на бродот што се приближува, предупредување со сирената на бродот, истрелување сигнални ракети и на крајот предупредувачки оган, но да се наведе одредено растојание е нов елемент во изјавата на морнарицата на САД, јавија американски медиуми.
Сепак, 100 метри е мало растојание кога се во интеракција огромни бродови, како што се носачи на авиони или разорувачи.
Со години, морнарицата на САД се соочува со брзи, вооружени патролни чамци на Револуционерната гарда на Иран, кои рутински ја преминуваат насоката на пловидба на бродови во Хормутскиот мореуз, тесен премин во Персискиот Залив преку кој минуваат танкери со околу 20 проценти од вкупната нафта од Блискиот исток.