Субрата Рој, милијардерот и големиот инвеститор, како што беше најавен од Владата и со кој се изнаслика и испофали цел кабинет на Груевски, признава дека има само 970.000 долари.
Рој, газдата на конгломератот „Сахара“, на сослушувањето пред моќниот регулатор на пазарот СЕБИ, изјави дека неговиот имот е помал од 1 милион долари.
„Утрински весник“ пренесува дека Субрата Рој е заплеткан во битка со индискиот регулатор СЕБИ, кој го обвини дека со шемата на обврзници, измамил милиони граѓани.
„Сахара Груп“, компанијата на Субрата Рој, е под сомнение дека проневерила над 3 милијарди долари, афера во која се оштетени над 110 помали инвеститори.
За време на сослушувањето, за имотот што го поседува, Рој изјавил дека заедно со сопругата имале златен накит и драгоцени камења во вредност од 600.000 долари, фиксни депозити во вредност од 300.000 долари и 70.000 долари готовина и банкарски заштеди, односно вкупно 970.000 долари.
„Вкупно имам не повеќе од 1 милион долари“, изјави Рој.
Индиецот Субрата Рој, најавуваше мега инвестиции во Македонија, пренесуваат индиските медиуми.
Ветуваше луксузен хотелски комплекс на брегот на Охридското езеро, инвестиција вредна стотина милиони долари и грандиозен споменик на Мајка Тереза во Скопје.