Првиот потпретседател на владата на Србија, Александар Вучиќ изјави дека нема да има промени на местото премиер, бидејќи тоа во моментов ќе биде лоша порака, но веројатно ќе има реконструкција во владата.
Тој по полагањето цвеќе на спомениците на загинатите припадници на српската војска, во Земун изјави дека доколку напредната партија сака и ако е незадоволна со работата на премиерот, може да бара избори, но дека тоа сега не е случај.
Мојата цел е модернизација на Србија и напредок, а не прашањето во која фотелја ќе седам – истакна Вучиќ.
Повтори дека никакви промени нема да има, освен реконструкција во владата, која зависи од тоа што ќе каже неговата партија.
Елена Георгиевска