Предавање и јавна дискусија на тема „Политички театар” ќе бидат одржани вечер во Кино Култура во организација на здружението Локомотива – Центар за нови иницијативи во уметноста и културата.
Предавање ќе одржи Мишел Павловски, професор по културолошки студии на Институтот за македонска литература при Универзитетот „Свети Кирил и Методиј“ во Скопје, по што е предвидена и јавна дискусија.
„Политички театар” е дел од „Програмата на Локомотива во Кино Култура во 2019 година”, програмска линија „Уметност, Политика, Институција, Тело“ поддржана од Министерство за култура и Општина Центар.