Турскиот парламент доби специјална просторија наменета за мајки-доилки, објави турскиот весник „Милиет“.
Специјалната просторија ќе може да се користи не само од младите мајки пратенички, туку и од жените од персоналот кои имаат бебиња.
Главниот секретар на турскиот Меџлис, Ирфан Незироглу изјави дека потребата од специјална просторија за доилки настанала откако претеничката до владејачката Партија на правдата и развојот (АКП), Фазилет Дагџи Чиглик неодамна доби бебе.
Собата за доење е опремена со екран, на кој може да се следи работата на парламентот, како и маса за промена на пелени, фотелја за доење и шкаф. Турскиот парламент има вкупно 79 жени пратенички.