СВР Велес поднесе кривична пријава против лицата П.Н. (30) , Д.М. (30) и А.А. (25) сите тројца од Велес, поради сомнение дека ја загрозиле безбедноста на железничкиот сообраќај и тешка кражба. Тие се обвинети дека во периодот од мај до октомври минатата година на ЈП „Македонски железници“ му нанеле материјална штета од 2.926.452 денари.
Пријавените биле затекнати крај местото „Долги Рид“ во близина на населба Превалец како со патнички автомобили марка „Тико“ и „Опел Астра“ превезуваат исечени шини и оксигенски боци.
Лицата се приведени во просториите на ПС Велес.
Според информациите на полицијата во наведениот период пријавените во четири наврати се упатиле во близина на железничкото стојалиште кај село Теово и сечеле кабел кој е наменет за телекомуникациски врски и регулирање на железничкиот сообраќај помеѓу станиците Велес и Богомила, при што одзеле вкупно 1350 метри кабел и 746 метри шини.